Ymgyrchoedd

Mae ymgyrchu wrth wraidd Gweithredu dros Blant.

Rydym yn angerddol ynghylch gwneud popeth sy'n bosib i helpu plant a phobl ifanc i oresgyn tlodi ac anfantais.

Rydym yn cynnwys plant a phobl ifanc ar bob lefel o'n hymgyrchoedd ac yn eu helpu i siarad drostyn nhw eu hunain mor aml â phosib.

Ymgyrch esgeulustod 'Take your action for children'

Ein gweithredoedd

Rydym yn ymgyrchu i wella'r ffordd y mae esgeuluso plant yn cael ei ddatrys, ac yn tynnu sylw at bwysigrwydd ymyrryd yn gynnar er mwyn helpu teuluoedd sy'n dechrau wynebu anawsterau, a hynny cyn iddynt droi yn broblemau hirdymor.

Rydym yn annog llywodraethau i wario mwy - ac yn ddoethach - ar wasanaethau cyhoeddus sy'n canolbwyntio ar ymyrraeth gynnar ac rydym yn casglu arian er mwyn datblygu mentrau effeithiol sydd wedi eu targedu er mwyn mynd i'r afael a phrif achosion esgeulustod. Rydym eisoes yn gweithio gyda miloedd o deuluoedd sy'n agored i niwed ond mae angen ein cymorth ar lawer iawn mwy ohonynt.

Beth allaf ei wneud?

Mae cymaint o bethau y mae'n bosib i chi eu gwneud er mwyn helpu plant sy'n dioddef esgeulustod, o ledaenu ein neges apêl i chwarae rhan mewn amrywiaeth o gyfleoedd codi arian.

Gwnewch bopeth sy'n bosib, pa mor fach bynnag ydyw, er mwyn cefnogi ein hymgyrch. Diolch.

	Llofnodi ein deiseb Llofnodwch ein deiseb esgeuluso plant ar-lein neu ei llwytho i lawr a'i hargraffu
	Cyfrannu Cyfrannwch i'n hymgyrch esgeulustod 'Take your action for children'
	Facebook Ewch i'n tudalen Facebook , gan ddod yn gefnogwr a diweddaru eich statws amdanom
	YouTube Edrychwch ar fideos y sêr am esgeulustod a'u rhannu gyda ffrindiau
	Twitter Dilynwch @aslongasittakes ac ewch ati i drydar drwy ddefnyddio #neglect
	Codi arian Codwch ychydig o arian a chael hwyl ar yr un pryd
	Cwmnïau Anogwch eich cwmni i ystyried partneriaeth gyda ni.

Tyfu'n Gryf

Mae ein hymgyrch Tyfu'n Gryf (Growing Strong) yn tynnu sylw at yr effaith sylweddol y mae lles emosiynol yn ei gael ar ddyfodol pobl ifanc.

Rydym yn ymgyrchu i roi pob dim mae ei angen ar y plant a'r bobl ifanc yng Nghymru sydd fwyaf agored i niwed ac sydd wedi eu hesgeuluso, er mwyn iddynt oresgyn y trafferthion y maent yn eu hwynebu a manteisio i'r eithaf ar gyfleoedd bywyd.

Mae'r ymgyrch Tyfu'n Gryf eisoes wedi arwain at nifer o lwyddiannau yng Nghymru ac mae ein gwaith gyda Llywodraeth Cymru, awdurdodau lleol, mudiadau, ysgolion a'r cyfryngau yn parhau i fod yn ddylanwadol, gan gyfrannu tuag at hyrwyddo lles emosiynol plant a phobl ifanc.